Jólaspenn*

Er ógó jólaspennt núna...er svoddan krakki :P
Finnst geggjað þegar pósturinn(eða aðrir) kemur með pakka til mín þessa dagana. Ekki af því að mig langar að rífa upp pakkana.
Ég er spenntust fyrir því að rífa upp kassana og sjá hvað stendur utan á pökkunum. Þar sem meirihluti heimilisfólks heitir 2 nöfnum (mamma hans Bjössa var að spara) hlakka ég alltaf til að sjá hvort fólk nái að beygja bæði nöfnin okkar rétt.

Dæmi um algengar vitleysur eru:
Til Sigurlaugu Evu, Sigurlaug Evu
Til Láru Kristín, Láru Kristínu
Til Stefán Darra

Veit ekki hvað er að mér - en mér finnst þetta geggjað spennó...mér sem fannst ég velja svo auðveld nöfn svona beygingarlega séð.

túttilú

athyglisbrestur...eða bara engin athygli

Skólabækurnar fá enga athygli - ja, ég er að minnsta kosti með tímabundinn athyglisbrest. Get bara alls ekki fest hugann við þetta núna. LK á víst að mæta með jólasveinahúfu í skólann á morgun og mér er því hollast að fara niður í geymslu og tjékka í jólaskrautskassann hvort ég finni ekki eina eða tvær. Ef ekki þá þarf ég að drusla mér í slindina og ná í eitt stykki. Best að krossa puttana...

Ef ég þekki mig rétt...þá á ég pottþétt eftir að taka upp smáááá meira jólaskraut til að henda upp....bara smáááá. Eyði örugglega allt of miklum tíma í þetta í kvöld. arg...óþolandi að vita fyrirfram hvað maður er ruglaður.

þreyta

LK kom heim í gær um kl 4, hún var svo þreytt að hún fór að sofa kl 17, vaknaði kl 20 til að fá sér aðeins að borða og sofnaði svo aftur. Hún fór svo í skólann í dag og ætlar að eyða næsta sólarhring með ömmu og afa í smá dekri fyrir næstu lotu. Kemur svo heim seinnipartinn á morgun og þá er það næsta prógramm. Get ekki beðið eftir að 21. des komi...hennar vegna!

LK snillingur!

Í gær og á mánudag var svívirðilega mikið heimanám hjá LK, hún þurfti líka að æfa sig á flautuna og svo auðvitað að mæta í fimleika í gær. Í morgun var svo foreldrum boðið að koma í skólan og hlusta á krakkana syngja og spila á flauturnar sínar. Hendi hérna inn myndum - þið verðið að afsaka en þetta er pínulítið svona úr fókus þar sem við foreldrarnir sátum kílómeter í burtu. Hefði þurft að vera með einhverja massa spæjara aðdráttarlinsu til að ná þessu þokkalegu.

Hér má svo sjá smá video af þessum snillingum og má sérstaklega taka eftir að Emma öfugsnúna..nei ég meina Lára Kristín er örfhent á flautu. Hún er reyndar jafnvíg á báðar hendur en púkinn í henni kemur einstaka sinnum upp og henni finnst hún voða sniðug svona öfugsnúin.

eigin persóna týnd??

Lýsandi dæmi þess að vera sokkin heldur djúpt í mömmuheiminn er þegar maður gerir verkefni í skólanum og skrifar ítrekað:

SNUÐningur í stað Stuðningur.

í smá texta kemur eftirfarandi fyrir "til SNUÐnings" "SNUÐningur" "SNUÐningsáhrif" GARRRRGGGHHHH...*reitihár* mig vantar húsmæðraorlof!


ps. hvernig er hægt að hafa svona mikið að gera í desember hjá 7 ára gríslingum?? LK er að allan daginn og kemst ekki að sofa vegna anna fyrr en allt of seint og er því skiljanlega alltaf svolítið þreytt. Nú eru svo margir að bjóða okkur í alls konar jólaundirbúningsdót, kökubakstur, heimsóknir eða bæjarrölt og bara name it...en við komumst ekki í NEITT fyrr en um 20. des - og ég sjálf svo ekki fyrr en eftir 21. des. GRENJ!

PÆL

Fyrir hver einustu jól tapa ég niður hæfileikanum til að fallbeygja - ja...eða a.m.k. sjálfstraustinu í þeim efnum og efast um sjálfa mig út í hið óendanlega varðandi það hvort ég fallbeygi nöfn fólks rétt eða ekki. Þessir fjandans til og frá miðar á jólagjöfunum.

Til að bæta gráu ofan á svart þá er fólk farið að nefna börnin sín með alls konar útlensk ættuðum nöfnum svo ég veit ekki hvort ég á yfir höfuð að beygja nafnið eða kannski bara bæta kommu og S-i við nafnið eins og í úglöndum.

Meeeerkilegt...

Eitt enn, mér leiðast orðið pakkaböndin, spurning um að sleppa þeim bara á næsta ári??

**Update kl 01:27**
Af hverju er yngra skrímslið ekki sofandi núna? hah? Hann á að heita veikur og ætti að liggja í móki uppi í rúmi...but noooo, hann hleypur núna á grilljón fram og tilbaka ganginn með risa teppi bundið um hálsinn og gólar "SÚPERMAAAAAAAAAAN" með aðra hendi upp í loft. Búinn að taka nokkrar ferðir á hjólinu sínu á ganginum, slatta af armbeygjum og gera lyftingaræfingar með bangsabauknum sínum. Já, og svo er hann búinn að leika smá með smíðadótið og tilkynna mér að það sé LEIÐINLEGT! að fara að sofa.

*Kikn í hnjám* sleeeef...

Brjóst...og skálastærðir

JORDAN...
Eruð þið ekki að djóka? er hún BARA í E? RÍLÍ??
Pfft...þetta er ekkert, þið ættuð að sjá hvaða númer stendur á mínum. Verst samt að ég geti ekki farið og látið taka einhverja púðadruslur úr, öfunda hana þar.
Ég sem hélt að hún væri í skálastærð H eða K jafnvel, but hey...

Jordan lætur minnka - tjékk itt

Snilld

Get ekki staðist það að linka á snilldar bloggarann Snorra. M&P áttu svona tæki, einmit viðarlitað með svörtu "stjórnborði" og það lifði endalaust, við vorum örugglega síðasta fjölskyldan í hverfinu með sjónvarp án fjarstýringar... tækið var keypt nokkrum árum áður en Steinar bróðir fæddist en að öðru leyti held ég að ég hefði getað skrifað undir færsluna.

Það að ég geti ekki staðist það að linka á þetta æðis blogg skilja einungis þeir sem hafa komið heim til mín síðustu 2 mánuðina ca.

TJÉKK IT hérna!

happy happy happy...daddaraaaa...

Er alveg í ruglinu núna, langar bara að pakka mér í jólapappír og henda mér undir jólaplastið (tréið). Nú þegar fólk er að leggjast í skammdegisþunglyndið þá er ég að springa...úr einhverri Æðis gleði bara. Allt er skemmtilegt, myrkrið svo kósý, þokan svo krúttleg, rigningin frískandi og kuldinn notalegur...Aaahhh...LOVE IT. Er eins og smákrakki þegar ég sé ný jólaljós hrúgast upp...svoooo notó, hef náð að halda aftur af sjálfri mér með seríurnar ennþá en það er BARA af því að geymslan er nokkurn veginn í rúst eftir flóðið um daginn.

Annars átti hinn helmingurinn...ekkert endilega betri samt, afmæli í gær - hálfsextugur! Bakaði köku fyrir hann og kokkaði ofan í familý-liðið á met-tíma. Ágætis dagur bara.

LK skóli í fríi s.l. föstudag og deildin hans SD lokuð í dag...allt í gírnum bara. bleee...

ps. er ekki á neinu...

óíþróttamannsleg?

Hvað er eiginlega í rassgatinu á fólki. Það er alltaf að segja mér hvað ég sé svooo ekki íþróttamanneskja! ...SO?
Fyndna við það er að liðið er ekkert meira að hreyfa sig en ég sko...!? ég eeeekki að fatta. Ég hef alveg tekið eftir því að ég fer ekki í ræktina og fer ekkert út að hlaupa... og hvað??

Mig vantar 4-5cm í að komast alveg í splitt - en þið? Skal koma þessum 4cm niður í 0 cm. Tek næstu áskorun (raunhæfa takk) þegar það er í höfn...

Breytingar...

Er að hugsa um að breyta aðeins til, nánar síðar.

Annars á hún Sigurrós grúppudúlla afmæli í dag og langar mig að senda henni bunka af hamingjuóskum með árin 30 þar sem ég get ekki skrifað comment á síðuna hennar. Vona að þú sjáir þetta þá bara í staðinn sæta.

Prakkari? nei, það vantar eitthvað alveg nýtt orð yfir hann

Sko! Um daginn átti SD að fara að sofa, hann gat ómögulega sofnað í sínu rúmi svo hann fékk fyrir náð og miskunn að sofna í mínu rúmi...eða svoleiðis átti þetta að vera. Þegar ég kíkti á hann var hann reyndar sofnaður en hann hafði aaaaðeins komist í skóladótið mitt...



Annað kvöld, stuttu síðar fékk hann einnig að sofna í mínu rúmi, Hrafnhildur kom í heimsókn til mín svo ég setti hann inn í rúm, kyssti hann góða nótt og bað hann um að fara strax að sofa. Eftir 5-10 mín heyrum við hrikalegan dynk í ofninum í herberginu. 4 sek. síðar öskraði gormurinn. Tók hann fram og spurði hvað hann hefði eiginlega verið að gera þar sem hann lenti með hnakkann á ofninum. "hoppa" svaraði hann. Við Hrafnhildur vorum að reyna að sannfæra hann um að það mætti ekki hoppa í rúminu þegar hann viðurkenndi að hann hefði verið að fara í HANDAHLAUP! uppi í rúmi og þess vegna lent á ofninum. Munaði litlu að húðin hefði sprungið á kúlunni...hjúkk.

En jæja, ég leit af honum í hálfa mínútu um daginn og kom að honum þegar hann var búinn að klára sólarvörnina úr brúsanum...

Í morgunn átti hann svo að fara í leikskólann en það gekk frekar erfiðlega að koma honum á lappir. Með ofursætu og mjúku röddinni sinni bað hann mig að kúra aðeins með sér í rúminu áður en hann færi á fætur....hvernig segir maður nei við því? Ég lagðist uppí og bað hann að lofa mér að fara þá strax í föt þegar ég segði til. Jújú hann var til í það. Needless to say...þá sofnuðum við bæði og vöknuðum ekki fyrr en það var orðið of seint að fara í leikskólann. Sem er kannski ekkert slæmt fyrir utan það að hann vaknaði á undan mér...
Þegar ég rauk frammúr eftir að fatta að hann væri farinn, fann ég hann í herbergi systur sinnar enn einu sinni. Hann hafði "puntað" sig aðeins og var með varagloss, augnskugga og lím-eyrnalokka. - alltaf að herma eftir stóru systur sko...

Stuttu síðar tek ég eftir að það var eitthvað fleira skrítið, birti hér mynd með og bið ykkur um að giska á hvað er öðruvísi... (hægt er að klikka á myndina til að fá hana stóra)

Fyrir utan svo auðvitað að hann fór greinilega á fætur í nótt...EINN og kveikti ÖLL ljós. Ég hafði um kvöldið brotið saman þvílíkt fjall af handklæðum sem ég átti bara eftir að setja inn í skáp, þau voru vel og vandlega tekin í sundur og lögð eins og teppi um alla stofuna og ganginn...ÆÐIS!

Prakkarastrik

Ég geri stundum tilraunir til að reyna að læra með gorminn heima....án árangurs...meira svona til erfiðis. Hann var rólegur og nokkuð hljóður í 5 mínútur um daginn, gott ef ég gat ekki opnað bók og lesið nokkrar línur til tilbreytingar. Fannst hann þó nokkuð MIKIÐ hljóður svo ég kíkti á hann. Þá sat hann inni í herbergi systur sinnar og naglalakkaði gólfið bleikt!! AAARrrrrrrgggghhhh...!

Gargaði auðvitað á hann að það mætti að sjálfsögðu ekki naglalakka gólfið fagurbleikt. Það væri bara BANNAÐ!! Náði mér í naglalakkseyðir og náði öllu lakkinu af gólfinu.....á endanum - enda var hann búinn með HEILT GLAS af bleiku naglalakki. WELL, á meðan ég þreif gólfið sat hann að ég hélt hljóður og skömmustulegur á bak við mig. Ég hugsaði á meðan ég kláraði að þrífa ósköpin upp að ég hefði átt að taka mynd af þessu og setja í "minninga"möppuna hans, ...er komin með slatta af efni í þann hluta. Ég skutlaðist svo inn á bað til að henda pappírnum sem ég hafði notað og þegar ég kom til baka sá ég að hann hafði nú heldur betur ekki setið SKÖMMUSTUlegur fyrir aftan mig.

Ó nei, hann hafði setið með sólheimaglott og var að naglalakka gólfið SILFRAÐ!!!!!!!!! VEEEIIIIIIIIIINNN... WTF?
Mér var svona u.þ.b. allri lokið....sá að það hafði ekki skilað neinu að garga á hann og skamma svo ég taldi svona ca. upp á 200 og spurði hann svo rólega hvað hann hefði eiginlega verið að gera? "mála gólfið fínt" var svarið. Spurði hann svo hvort ég hefði ekki verið að banna honum að mála gólfið fínt? "Nei" svaraði hann. Taldi aftur upp á 200 og sagði honum að ég hefði víst bannað þetta. Hann var fljótur að svara: "Nei, það má ekki mála gólfið BLEIKT, ég gerði hvítt núna" gaaaaaarrrggghhh.....

Iðnaðarmenn...

hehh...sko! 27. september síðastliðin bloggaði ég um að geymslan mín væri á floti. Byggingarstjóri hússins ætlaði að kíkja á þetta seinnipartinn þann dag. Ég beið heima allan daginn eftir honum.....hann kom í DAG!! Spurning hvenær hann kemur svo aftur til að LAGA þeta...eigum við að skjóta á 20. nóv?

...minni á MASSA rigninguna sem er NÚNA...arrrrrgghhhh...

Vinur í raun...!

Hún Idda er sko vinur vina sinna og reddaði mér alveg þegar ég var með Cranberries lag á heilanum og sendi mér þetta:

Hlaðan...

Það getur verið erfitt að einbeita sér hérna þegar næsti maður andar svoooo hátt með nefinu, annar alltaf geyspandi og sá þriðji fór úr skónum....ekki góð hugmynd.

Þeir sem þekkja mig vita líka að ég átti mjöööööög erfitt með mig þegar einn hérna fór úr skónum sínum og vippaði sér í þá al-hallærislegustu inniskó sem ég hef á ævi minni séð...ég er enn að hlæja...svona innra með mér.

Gleymdi...

Lúmskur...var að reyna að taka mynd af LK þegar SD tróð sér inná.....einhverra hluta vegna með kaffikönnuna með sér??

5%

Sérstakt

Það eru fleiri en húsfrúin sem halda að þeir hafi "listræna *hóst* hæfileika" til að skreyta veggi heimilisins.
Já, ég hélt í sakleysi mínu að ég gæti kannski lært í nokkrar mínútur í dag þó SD væri heima.......BOY was I wrong!! Hann var hljóður í svona 2 mínútur og kom svo til mín vopnaður sólheimaglotti og sagðist hafa verið að gera svolítið. Ég spurði hann vitanlega hvað hann hefði þá verið að gera og þá tísti í mínum "Ég var að liiita........á vegginn sko". Jája, hann gerði sér lítið fyrir og litaði báða forstofuveggina, takið vel eftir strikinu sem liggur niður með ÖLLU horninu...hér er sko vandað til verks! Hah!

En já, yfir í allt annað, ég smellti mér á foreldrafræðslufundinn og sé sko alls ekki eftir því. Ohhh...það var svooo gaman, maðurinn ekkert smá skemmtilegur og ótrúlega margt sniðugt sem hann var að segja. Lærði barasta helling af þessu. Það sem kom mér hins vegar á óvart var að það mættu 50...alveg í MESTA lagi 60 manns. Fundurinn var "opinn öllum áhugasömum foreldrum í Kópavogi" og t.d. VEL auglýstur í skóla LK...ótrúlegt! Ég vil taka það fram að í Kópavogi eru 10 grunnskólar...10!! ekki flókið reiknisdæmi...

Samviskan...

Nú fékk ég póst í vikunni þar sem auglýstur var fundur fyrir foreldra. Pósturinn vakti í sjálfu sér enga brjálaða lukku eða spenning í að fara, ef ég á að vera alveg hreinskilin þá lokaði ég póstinum jafn hratt og ég opnaði hann. Nema hvað svo sendir skólastjórinn annan póst þar sem mælst er til að bekkjarfulltrúar mæti á fundinn...fyrir þá sem eru búnir að gleyma þá varð ég einhverra hluta vegna bekkjarfulltrúi.

Arrrggg...nú finnst mér eins og ég þurfi að fara en samt æjiii...veit ekki. Ohhh...hef það heldur ekki í mér að "skrópa". Finnst ógeðslega lélegt að mæta ekki en langar samt ekki. Garg!

Annars var ég á foreldrafundi áðan með kennaranum hennar LK og hún hafði barasta ekkert við mig að tala, LK er að brillera! Fékk sérstaklega hrós fyrir að fara alltaf eftir fyrirmælum, ganga vel um og vera stillt og góð. Æðis!

Æðislega frábært!!!

Nú á enn einu sinni að fara að loka deildum á leikskólanum. SD verður því heima einu sinni í viku frá og með næstu viku! ÆÐI!

Ekki það, voða notalegt að hafa hann heima en nú þarf ég að fara að druslast til að læra og ná upp því sem ég hef misst úr.......garggghhhhh...

Chicken....

Er kjúklingur með essi í gær og í dag. Glötuð...fékk þessa massa fínu sýkingu undir húðina or sum?? Varð voða fín í andlitinu :P ...eða ekki. En allt að lagast núna, bólgan farin og sýklalyfjakokteillinn blívar bara 4 sinnum á dag. BARA mér tekst þetta..hah!

er svo eiginlega bara búin á því...svooo þreytt...svoooo uppgefin. Langar bara að sofa í viku, helst borða og sofa og sofa soldið meira. Hvernig væri það nú? hmm...

Orkusugur!

Í þessarri færslu ætla ég að reyna að halda aftur af mér og blogga kurteist um eitt sem er að angra mig. Fyrirgefið mér ef ég missi út úr mér eitthvað óviðeigandi...

Nú á afmælisdaginn minn 3. október síðastliðinn lést afi minn. Áður en ég held lengra vil ég þó vinsamlegast biðja um að fá ekki samúðarkveðjur í commentin, þau eru óviðeigandi. Pabbi hringdi í mig um hádegið á afmælisdaginn minn og lét mig vita. Ég verð að viðurkenna að mér létti eiginlega, ég vissi að hann hefði verið að bíða eftir að fá að fara. Ég var fegin fyrir hans hönd.

Ég hef ákveðið að fara ekki í jarðarförina næstkomandi laugardag. Til að málin séu á tæru þá er jarðarförin ekki í næsta hverfi heldur á Húsavík en það er þó ekki heila málið. Það eru margar ástæður fyrir því að ég fer ekki, engin ein.

Það sem er að trufla mig eru systur pabba og bróðir mömmu(sá eldri). Þau geta ekki með nokkru móti virt það að ég hafi ákveðið þetta. Þau eru fussandi og sveijandi í símann við foreldra mína og tuðandi yfir þessu. Merkilegast við þetta er... tökum dæmi... Bróðir mömmu, kvartarinn, mætti ekki í brúðkaup systur sinnar (mömmu(&pabba)), hvoruga fermingarveislu okkar bróður míns...né aðra viðburði sem hafa verið í okkar fjölskyldu - svo ég flæki þetta örlítið er konan hans svo SYSTIR PABBA!!! Við hins vegar höfum keyrt hundruði kílómetra norður og til baka til þess eins að fara í eitt lásí kökuboð hjá þeim....OFT! Þau hins vegar koma ALDREI nema þurfa að fara til læknis/tannlæknis/augnlæknis eða í búðir hér fyrir sunnan. Gott og vel...

Ég er þó mest hissa á því að í þessu "hneykslismáli" hefur ENGINN hringt í MIG og spurt MIG af hverju ég komi ekki. Heldur þarf að tuða og nuða í foreldrum mínum eins og þau séu óhæfir uppalendur 27 ára gammallar sjálfráða...já, ég er að tala um mig!! Ég er í símaskránni people...

Það er líka eins og fólk sé haldið ákveðnu minnisleysi gagnvart þeirri staðreynd að afi minn var afskaplega lítill "AFI" minn, sem er svolítið annað en ég get sagt um hin barnabörnin sem bjuggu fyrir norðan. Hann sýndi engann áhuga á því sem ég var að gera...ever...alla vega svo ég viti til. Hann gat aldrei spjallað við mig. Ég var þó mjög samviskusöm og heimsótti hann í hvert skipti sem ég fór norður (sem er á hverju ári...stundum oftar en einu sinni). Hann talaði um það nokkur skipti í röð að frændi minn væri líklegast náttúrulaus...því hann átti bara hund. Svo þegar manngarmurinn eignaðist loksins barn þá talaði afi bara um veðrið. Við áttum bara enga samleið.
Ætli það sé ekki best að skrifa sem minnst um hann hér enda er ég ekkert að agnúast út í karlgarminn.

Æji....ég er hætt að spá í þetta, hugsa að ég hafi þegar farið mína síðustu ferð norður í bili.

Ég bara þoli ekki fólk sem baktalar mann og smælar svo sólheimabrosi næst þegar það hittir mann og minnist ekki á eitt né neitt.

Whatever!

Magasár..?

Ég er yfirleitt ekki þessi stressaða týpa...

...en ég veit ekki um neitt sem stressar mig jafn mikið og að halda barnaafmæli. Þá er ég ekki að meina fyrir ömmurnar og afana. *dæææssss*

Er mánudagur í dag??

Ef það er ekki friggin mánudagur í dag þá veit ég ekki hvað.
Byrjuðum á því að vakna of seint, reddaði því samt alveg og LK mætti á mínútunni í skólann svo það var í lagi. SD neitaði að fara í leikskólann og það tók mig 1,5 tíma að koma honum út. Var komin heim 20 mín í 10 í morgun og þá byrjaði fjörið svo fyrir alvöru.

Ég ákvað að fara ekki alveg strax að læra og tók pínu til, þurfti að skutla einum ponsu litlum kassan niður í geymslu og WHAT A MISTAKE that was! Kom að geymslunni minni á FLOTI. GRRRRR...Gat reyndar bjargað 2 hlutum (í uppáhaldi) sem eru úr tré en aukaparketið okkar sem við ætluðum að nota í smá á næsta ári er ónýtt...ásamt einhverjum smá slatta af öðru drasli.

Ég skutlaðist upp eftir moppu og handklæðum. Reyndi að skófla vatninu út, fyrst með löppunum og svo í restina með moppnni. Þegar það var svona u.þ.b. að verða fínt hjá mér sá ég að það fór að flæða undan veggnum frá næstu geymslu og yfir í mína....aaaarggg! Tók endalausan tíma að rusla vatninu út en á endanum voru þetta bara smá pollar svo ég lét það bara gott heita. Smellti handklæðunum fyrir hurðina svo ekki læki meira inn og moppunni undir vegginn þar sem lak(fossaði) niður.

Djö var ég orðin pirruð þarna. fór upp og klukkan að ganga þrjú ákvað ég að sækja krakkana í viiiiðbjóðs rigningunni sem var. Fór þó fyrst niður og vatt handklæðin og setti þau aftur á sinn stað. Klæddi mig í regngallan og út í bíl, þurfti að halda á LK út í bíl því ALLT sem hún hafði verið í var RENNANDI. Þau höfðu verið send út í frímínútur þegar það var SNARbilað veður....ÆÐI! SD þurfti ég að halda á líka því hann gat hvorki andað né gengið í vindinum...fauk bara. Málið vandaðist örlítið þegar heim kom...ekki spennandi að halda á þeim báðum + skólatösku.

Fór aftur niður í geymslu og vatt handklæðin í döðlur og setti á sinn stað + moppuna. Reyndi svo að ýta vatninu frá minni geymslu með því að draga það með skónum mínum. KL að verða hálf fimm var hringt og mér sagt að vera heima því iðnaðarmannapi kæmi að KÍKJA á þetta. Sendi nágrannan með LK í fimleikana. KL 19 var hann ekki mættur og ég þurfti auðvitað að sækja LK. Ég hafði þá ekki komist út í búð að versla í matinn svo McD var það fyrir krakkana...klukkan var jú orðin rúmlega SJÖ og þau þurfa að sofna snemma. Karluglan er ekki enn mættur - klukkan er 23:30!! Annað vandamál kom upp í kvöld en það er ekki pláss til að skrifa upp um það svo ég stoppa hér.

Má ég biðja um normal dag á morgun...pöööhlííííssss

Get ekki beðið! *spennnnnn*

 

Cascada

Er ógó hress í dag...JEIJ!
Líður alveg svona...



Koma svo hátalarana í botn...OOOOOSSSSOOOOO...

ps. já ég veit! Ég er svo mikill unglingur ennþá ;)

Skaðlegur húmor?

Ég hlýt að setja íslandsmet í eigin göllum. Mér þykir samt ferlega vænt um alla gallana mína og geri því yfirleitt grín af þeim. Finnst ég sjálf bara alveg ágætlega fyndin stundum (jájá...). Undanfarið hefur mér þó fundist eins og grínið sé að festast við mig og sumt fólk farið að sjá gallana mína með stækkunargleri. Jafnvel farið að skálda upp eitthvað í kring.

Hitti vinkonur um daginn og ein heimtaði að við tækjum eitt spil - ég hata spil! Einhvern veginn af því að ég hef ekki gaman af spilum, langaði ekkert að spila og spila því sjaldan voru þær búnar að ákveða að ég væri svo LÉLEG í spilum. hehh...Ég tók nú samt eitt fyrir "tímið" og allan tíman töluðu þær um hvað ég væri léleg að spila?? EN...Ég er bara ekkert léleg að spila og vann auðvitað fríkíngs spilið...ég vann líka síðast þegar við spiluðum...!?

Ég er líka heimsins mesti kúrari...eða B-manneskja. Finnst gott að sofa út og er alveg hyper á kvöldin og kem mestu í verk á næturnar (ef ég leifi mér það). Ein þokkaleg vinkona var svo með orðið í hópnum um daginn og talaði þá um hvað ég svæfi alltaf til hádegis eða langt fram á dag
og mætti alltaf of seint í allt...WHAT? Ég sef alls ekki til hádegis - fæ ca. 5 tíma svefn á næturnar og dream on að ég sofi langt fram á daginn...LOL. Hef heldur ekki mætt of seint í neitt undanfarið. Hef verið fyrst á foreldrafundi, mjög tímanlega í skólanum og LK hefur aldrei komið of seint í skólann það sem af er vetri...Er frekar að mæta of snemma ef eitthvað...
Það er hins vegar annað mál að mig LANGAR oft til að sofa lengur....en það er jú af því ég fæ yfirleitt 5!! tíma svefn ekki 8 eins og hinar.

Ýmislegt svona hefur verið að koma upp undanfarið. Er fólk ekki að fatta djókið eða? Er ég búin að þróa með mér einhvern massa skaðlegan húmor sem enginn skilur eða er fólk bara á sýru?
Spurning um að hætta að hafa húmor fyrir sjálfum sér bara?
Kannski ég fari að blogga ferlega hresst núna, verði svona 100% manneskja til að vinna upp skaðann....what to do what to do...

VÍS smís

Ef einhver er að spá í tryggingum...EKKI hringja í VÍS!! Bið-tónlistin í símanum er mannskemmandi HÖRMUNG! Hvaða viðskiptavinur er ekki orðin geðveikur af því að hlusta á litlu gunnu og litla jón og lagið Kvöldsigling.

Smá tóndæmi:
"Bátur líður útum Eyjasund
enn er vor um haf og land.
Syngur blærinn einn um aftanstund,
aldan niðar blítt við sand."

"Við lítinn vog, í litlum bæer lítið hús, lítið hús.
Í leyni inni í lágum vegg er lítil mús, lítil mús.
Um litlar stofur læðast hæg og lítil hjón,
því lágvaxin er litla Gunnaog litli Jón."
(allt sungið með MJÖG skýrri íslensku, svo skýrri að auðvelt hefði verið að lesa af vörum þess sem söng)

Haldiði að maður sé heill eftir þetta...NEI!!

Marta Smarta *skólablogg*

Er maður ekki adorabúl og kjútt? - eitthvað svo mikill unglingur hérna með stóru tennurnar sínar. (þarf eiginlega að smella á myndina til að njóta fegurðarinnar betur ;)

Nóg að gera alltaf, búin að fara 2 kvöld í röð á foreldrafundi í skólanum hennar LK. Sá fyrri var í gær, gekk fínt fyrir utan að einhverra hluta vegna er ég bekkjarfulltrúi...blaaa... :S

Sá fundur sem var í kvöld var hins vegar fyrir alla foreldra í skólanum. Fjúff...hef bara ekki vitað eins heitar umræður á foreldrafundi eins og þarna. Skólastjórinn náði ekki að klára glærushowið sem hann var með og allt fór í háa loft. Umræðuefnið var "aldursblönduð kennsla" - já, þar hafiði það. Heitar skoðanir á þessu en engar lausnir. Meira svona allir brjálaðir og svo fara allir heim...alveg jafn clueless og áður en þeir komu. Skrítið!

Eins heitar og umræðurnar voru þá var ekki nema brot af foreldrunum sem mættu á fundinn. Hvað eru hinir að spá? alveg sama kannski? Ef svona margir eru á móti þessu, af hverju mætir fólk þá ekki? Spes!

Ég á aldrei eftir að skilja fólk alveg.

*ps. Það að eiga ungbarn er kökusneið, með hverju ári hlaðast upp flóknari og erfiðari foreldraverkefni.

Ný dönsk...

Einhverra hluta vegna er ég með lagið óþolandi, "hjálpaðu mér upp mér finnst ég ver´að drukkna"
á heilanum. Ástæðan gæti mögulega verið sú að ég er raunverulega að drukkna í þessum skóla. Er varla byrjuð á heimanáminu þar sem ég er að ströggla við að pússla stundaskrá og dæmatímum en það virðist einhvern veginn alltaf vera kennt á mjög svo ókristilegum tíma fyrir manneskjuna MIG. Er ekkert heilagt fyrir fólki, kvöldmatartími...svefntími barna eða bara svefntími námsmanna yfir höfuð???

Ó well, þetta hlýtur að reddast!

Tár í auga *stollt* og O-M-G !-!-!

LK er svo mikil dúlla. Í kvöld ræddum við LK lengi saman þegar hún var komin upp í rúm. Hún var mikið að spá og spekúlera t.d. hvort að konan hans afa(föðurafans þ.e.) væri ekki stjúpmamma pabba síns eða hvort hún gæti ekki orðið stjúpmamma hans eða jafnvel fósturmamma hans, hvort einhver gæti átt 2 mömmur og hvernig maður eignaðist svona aukamömmu. Hún tók það samt skýrt fram að hún vildi sko alls enga auka-mömmu, væri bara að spurja.

Samtalið fékk svo alveg nýjan vinkil þegar hún tjáði mér skyndilega upp úr þurru að hún vildi sko ALLS EKKI að við B(pabbi hennar) yrðum SKYLD!!! Sagði að foreldrar hennar Sxxxxxxx í skólanum væru sko skyld og hún vildi sko alls ekki að við yrðum skyld!, eins og þau. Henni var svo fúlasta alvara þegar hún sagði þetta að hún var næstum farin að gráta. Bara hvað sem er....nema að verða skyld. Ég hafði það ekki í mér að leiðrétta hana og segja að þetta væri sagt: "skilin". Hún var bara of mikil dúlla....og hrikalega fyndin til að ég gæti það.

Nú þegar ég hélt að ég hefði heyrt allt þá spyr hún mig: "Mamma, hvernig veit maður þegar maður hittir rétta manninn?" öhhhh...shiiit, barnið alveg ganga frá mér, leið eins og ég væri í erfiðu útgáfunni af Trivial. Ég náði ekki að svara áður en hún spurði hvar maður fyndi svo þennan "RÉTTA" mann til að giftast og hvernig maður vissi þá að hann væri þessi rétti. (það sem barnið spáir ekki í...sjíííjs). Ég gerði nokkrar mis-vel-heppnaðar tilraunir til að svara þessu og þegar henni fannst ég alveg vera úti á túni sagði hún mér að hún væri búin að finna sinn...


...bíttu WHAT? Barnið búið að finna WHO?WHAT? Við foreldrarnir eins og 2 jafn gölluð spurningamerki komum ekki upp orði. Hún hélt áfram..."ég ætla að giftast Hxxxx". Jaháhhh!! OK, uhhh, hérna...ehhh...maður getur nú ekki ákveðið svona eitthvað strax 6 ára stundi ég upp eftir langan tíma. Hún svaraði ákveðin "JÚ, við tölum um svona" Ég: Ha, þú og hver? Hún aftur: "nú auðvitað ég og Hxxxxx!" og hélt áfram "við erum búin að tala um þetta saman, að þú veist...giftast. Svo þegar strákarnir og hann eru að stríða stelpunum og elta þær þá eltir hann ekki mig, hann passar mig bara"


SHIIIIIIIIIT, er ég þá komin með tengdason? Strax? Við B. höfum varla rætt brúðkaup....þá meina ég OKKAR sko.... gaaahhhhh...OMG! Hvað kemur ekki upp úr þessum krakka. En gott að Hxxxxx er góður við hana...ehhhh...*bjartsýnistilraun*

Kv. Tengdó-Smilla

Back to school

Hlakka óendanlega til að komast í nýja rútínu. B-manneskjan ég þarf líklegast að fara að vakna á morgnanna.....án þess að skríða aftur uppí. Hlakka eitthvað svo til að komast LOKSINS í skólann sem mig er búið að langa til að vera í....forever að mér finnst.

Ætla að stefna á 4 kúrsa af 5 sem er normalið. Legg ekki í meira svona "einstæð" eins og ég verð í vetur. Þetta verður BARA gaman.

Get ekki beðið *spenn*

Tóm gleði og hamingja!

Jákvætt:
*Enginn lasinn. Allir hressir
*Tölvan mín líklegast í lagi, búið að ná gögnunum af henni og þá á bara eftir að setja hana aftur upp.
Diskurinn til þess...sem var týndur, er fundinn - svo nú er bara að setja það í gang.
*Búin að arga út lengra leikskólapláss - frá og með þriðjudegi.
*Símabatteríið mitt er komið í viðgerð.

Í biðstöðu:
*Stundaskráin, er að bíða eftir endanlegum stundaskrám...ekki drögum takk. Þarf svo að raða henni upp fyrir þessa önn.
*Erum á lánsbíl, okkar fór í ábyrgðarskoðun í gær en kom ekki heim aftur eins og áætlað var. Skoðunargaurarnir rústuðu einni fínu felgunni okkar svo...nú er bara að bíða og sjá hvort þessar felgur séu nokkuð hættar að fást. Hvernig þeir fóru að þessu er ómögulegt að segja....svona ef einhver var að spekúlera...

Neikvætt:
Ekkert í bili...

*update* at 17:24
Lánsbílnum skilað og ný felga komin undir.
Stundaskráin komin langt á veg 75% tilbúin.
*update* at 21:22
Tölvan mín startaði sér loksins...jibbý...allt í áttina

óþolandi...

SD vaknaði í morgun og sagðist vilja fá eitthvað að borða, ég bauð honum eggjabrauð sem hann þáði. Honum hefur greinilega fundist það hálf lélegt hjá mér því hann bað mig um að baka köku í dag ....spes!

SD vildi svo leika með eldhúsdótið sitt og fá vatn í pott sem hann á. Ég sagðist ekki geta hjálpað honum en bað hann um að fara bara sjálfan inn á bað og ná sér í svolítið vatn. Eitthvað fannst honum það nú léleg þjónusta og sagðist ekki vilja sækja vatnið sjálfur. Ég sagðist þá ekki geta komið fyrr en eftir 10 mínútur. Hann skildi pottinn eftir og labbaði fúll í burtu...

...og sagði "ohhh...óþolandi alveg" - einn 2ja ára alveg að verða 16 ára.

Ætli við smellum samt ekki í eina köku, hann er nú einu sinni lasinn heima og þá ræður maður smá :P

Grenjjjj

Er voðalega eitthvað þreytt-pirruð í dag.
Búin að vera lasin, er heima með einn lasinn.
Tölvan mín líklegast ónýt og skólinn að byrja.
Ekki búin að fá svar frá leikskólanum
Símabatteríið mitt enn bilað
Allt í stíl.

Ekkert myndablogg þar sem ég hvorki kann né nenni að föndra myndir inn á þessa tölvu.
AAAAaaaarrrrgggghhhh...

Lífið gerist ekki betra...stundum.

Gleði dagsins: Fyrir utan allt æðis í færslunni fyrir neðan þá hef ég uppgötvað mér til mikillar ánægju að það er komið út nýtt prjónablað. GLEÐI GLEÐI - get ekki beðið eftir að skoða það á miðvikudaginn.
www.tinna.is

Svekk dagsins: keypti Rommý súkkulaði sem mig var búið að dreyma um í marga daga í Select í morgun. Svekkelsið er að það rann út 14. JÚNÍ 2007. Ojjjjjjjjjjj...kvartar maður líka yfir þessu? Mér finnst eitthvað svo óttalega mikill kvartari í mér þessa dagana.
Mig langar helst til að keyra spes ferð niður á select og neyða afgreiðslupíuna til að éta útrunna ógeðis-rommýið - tjahh, eða í það minnsta kasta því ógeðslega fast í hausinn á henni. Kannski fattar að tjékka á dagsetningunum eftir það.

Annars er allt í gúddí

Freak out! æðis...

Æj...það er svo leiðinlegt að hafa svona neikvæða færslu efsta svo ég smelli inn einni í jákvæðari kantinum.

Ætla að fara á bæjarskrifstofuna í seinni parti vikunnar. Hef ekki tíma til þess núna. Ætla kvarta hátt og örugglega, - ef þau hlusta ekki á mig þá tek ég B. með...hann getur verið svo ógó frekur við ókunnuga :P Hann byrjar alla vega í skólanum á morgun og LK næsta dag....Jæks, tíminn flýgur.

Ætla líka að arga á símafólkið í vikunni, því nýji krúttaði bleiki síminn minn er barasta ALLTAAAF batteríslaus. Hann á að endast í 300klst í bið sem mér reiknast til að séu 12 og hálfur dagur. Hann dugar rétt 1 og hálfan dag svo ég veit ekki hvert þessir 11 fara? Ég tala alveg oft og mikið í símann en common, ekki svoooona mikið.

Hmm, ég sem ætlaði að hafa þetta voða jákvætt eitthvað...eitthvað ekki alveg að gerast.

Hlakka voða mikið til vikunnar, hlakka til að skipuleggja stundaskrá fjölskyldunnar sem verður þétt skrifuð þessa önnina. Hlakka til að fylgja LK í skólann og nú í 2. bekk. Hlakka alveg óskaplega til að hitta hana Úrsúlu Möndu mína og get ekki beðið eftir að kíkja á nýju íbúðina hennar Brynju í Keflavík. Er spennt fyrir því að byrja aftur í skólanum...ef leikskóla-deild Kópavogs lengir plássið hans SD...sem þau GERA (þegar ég verð búin að tjá mig). Hlakka til að gera haust-þrifin fyrir skólann og hlakka meira að segja til að þvo þvottinn.

Er alveg fáránlega spennt og glöð eitthvað núna. Meira að segja með svona fiðrildi í maganum (át þau samt ekki). Allt er æðislegt....a.m.k. í bili (bið ekki um meira) :P

Stay tuned for the next episode of "bæjarskrifstofur og síminn"
Veif...ein í ruglinu :D

Er virkilega gott að búa í Kópavogi?? HA, Gunnar??

Mér sýnist fólk vera hætt að skoða þessa síðu sem er kannski ágætt, ég get þá brotið loforð mitt um að blogga ekki meira. Er bara andskotans pirruð á öllu núna og þarf útrás ef heimilisfólkið á ekki að fá að finna fyrir því þegar það fer að skila sér heim.

Nú sótti ég um lengingu á leikskólaplássi ungans í FOKKINGS JANÚAR. 8 mánuðum síðar er ég ENN að bíða! 8 MÁNUÐIR!! Ef ég væri í vinnu þar sem ég hefði þurft að auka við vinnutímann þá væri búið að reka mig fyrir lifandis löngu. Ég er ekkert að biðja um að krakkinn sé til hálf sex neitt heldur bað ég um lengingu frá 14:00-16:00. Sem er nú bara á normal vinnutíma fólks. Barnið verður ekki einu sinni alla daga til 16, heldur eingöngu þá daga sem stundataflan mín er svona löng.

Er virkilega ekki hægt að redda þessu á 8 mánuðum. HA? Gunnar Birgisson...care to explain? Til þeirra sem ekki vita þá er þetta ekki í fyrsta skipti sem ég er að bíða eftir leikskólamálum í Kópavogi....og ekki annað og ekki það þriðja. Ég sendi nokkuð harðort bréf á leikskólastjórann og fékk bréf með vælutón til baka um að enginn starfsmenn fengjust og væli væl. Ég er orðin ónæm fyrir þessu væli og rugli. Hlusta ekki á svona djöfulsins bull, ég vil bara svör...Í GÆR! Nú í dag eru 4 dagar í að skólinn byrji hjá B., 5 dagar í að skólinn byrji hjá LK og 17 dagar í að minn skóli byrji. Það er fresturinn sem K.bærinn hefur til að svara mér.

Búin að fá nóg!

I'm patient but this is stretching it.

ENJOY IT

Í dag var ég búin að ákveða að undirbúa mig aðeins fyrir skólann...sem byrjar bara eftir korter...eða svona..kannski ekki alveg. Var löngu búin að ákveða að ég yrði að byrja að lesa smá þar sem veturinn verður HELL. Alla vega, þá er auðvitað massa gott veður - Týpískt! Alltaf er þetta svona...eníveij - njótið þess meðan þið getið ;) Ég verð a.m.k. inni í allan dag og ætti því að vera gott veður fram á kvöld.

p.s. Gæti skroppið út eitt augnablik á milli 18 og 19 og því gæti vel ringt all svakalega á því augnabliki.

Part 2 sumarfrí

Part 1 í sumarfríi

Ég með eina ófreskjuna sem Ína ræktar. Á reyndar að vera kettlingur en hver veit...

Þessi mynd er ekki af börnunum heldur af stolti afans....BÍLNUM - he loves it.....and we don´t know why!

LK prinsessa ....really sko

Fengu í fyrsta skipti Lucky Charms og fannst það ekkert vont ;)

SD snillingur!

Kíktum í Hagkaup - hann átti 2 krónur í kerrunni sinni og krafðist þess að fá að versla SJÁLFUR þennann bangsa fyrir þær. Ég hafði ekki hjarta í mér til að segja annað en já. Laumaði kortinu svo til afgreiðslupíunnar á kassanum....bjóðum þennan bangsa þá bara velkominn í hóp bangsanna sem fyrir eru á heimilinu. Þeir hlaupa á tugum ef ekki hundruðum. ARGG...krakkinn hefur pottþétt fengið kennslustund hjá Steinari...grrrrrr...

Annað - í neðra Hagkaup (Kringlunni sko - ekki hell). Fórum að nammibarnum og völdum okkur smá nammi í poka, einn fyrir SD og einn fyrir LK (og náttúrlega einn fyrir mig án kaloría ;) SD heimtaði pokann auðvitað strax svo ég batt rembihnút sem ég gæti varla leyst sjálf á hann. Labbaði svo alla búðina áður en ég fór á kassann. SD furðu hljóður gegnum búðina. Kom síðar í ljós þegar hann átti að setja pokann upp á færibandið að hann hafði búið til oggulítið gat á pokann og var búin að éta helminginn af namminu. GARG...hvað gerir maður við svona börn? ...lúmski ormur...

Húmoristar á Dominos?

Var að skoða matseðilinn þegar ég rak augun í þetta:

Skv. til dæmis Osta & Smjörsölunni heitir þetta Gráðostur/Gráðaostur

Adorabúl sjúús

Keypti mér þessa "tótallí adorabúl sjúús" í gær. Þeir eru eins og efri myndin á litinn en hin myndin er kannski skýrari fyrst þetta er svona glærhvítt á hvítu...??

Eriddiggi ég?